Kengeng
: Diny Syarifah Sany
Clak... clak...clak...
Cai ngeclak tina suhunan.
” Lis... Lis... hayu urang sasarap.”ceuk kuring
ngageroan anak kuring.
Lisna datang jeung budak teh geus siap-siap ka
sakola.
” Euleuh, meuni geulis budak mamah teh. Hayu urang
sasarap, ngarah kiat.”
Geus sasarap kuring jeung Lisna kaluar ti imah
indit ka tempat nu di tuju. Lisna teh sakola kelas X SMA. Kaayaan hirup kuring
mah saaya-aya. Kuring teh gawe jadi palayan toko manisan. Pas-pasan oge nu
penting bisa nyambungkeun hirup. Salaki kuring geus 13 taun teu balik-balik.
Ceunah mah si akang teh damel di Batak tapi teu kanyahoan nepi ka ayeuna
dimana. Tapi ceunah ceuk babaturanna mah si akang teh tos pupus. Ihlas kuring
mah kang. Nepi ka ayeuna oge kuring mah teu kawin deui kusabab kang Marna teh
hiji-hijina lalaki nu aya dina hate kuring. Moal aya nu bisa ngagantikeun.
Sabenerna, baheula teh kuring beunghar, sawah
dimana-mana, tapi kusabab perusahaan akang bangkrut jeung hutangna loba, kabeh
dijualan nepi ka kaayaanna kieu.
Poe harita toko teh tiiseun. Jeung ayeuna teh toko
keur di rehab jadi kuring balik rada beurang. Kuring nempo ka langit.
” Kang... biruna langgit eta sabiru sono kuring ka
akang. Deudeuh, emut kuring mah kang, akang teh kapunkur ngajakan kuring ka
lapang bari ninggali langit. Endah teh kang....”
Bleg...
Teu puguh eta rarasaan, tapi kuring masih ninggali
eta langit menikat biru jeung kuring ninggali kumaha eta mobil nabrak kuring
jeung ngageleng suku kuring. Lep... lep... naha langit jadi koneng....
Opat poe kuring di rumah sakit. Deudeuh anaking...
anting hiji-hijina harta banda nu dipikaboga Lisna kudu di jual gara-gara
kuring. Jeung nu kuring dipikasedih, kuring teu bisa leumpang deui.... kumaha
atuh keur dahar Lisna? Kumaha sakolana? Kumaha kahirupanna? Kuring terus nanya
dina hate bari ceurik terus.
Sabulan leuwih tina kajadian eta, hutang diwarung
geus numpuk, Lisna can bayaran sakola nepika di kaluarkeun ti sakola. Hiji poe
Lisna nyampeurkeun kuring bari ceurik.
” Mah, Lisna alim ninggali mamah nangis wae. Mah,
hirup urang kudu diobah. Tong kieu wae. Mah, Lisna nyungkeun pidu’a mamah
kanggo damel janten pembantu di Jakarta. Mamah tong melang, da sareng Ceu Atik
ieuh. Engkin unggal sasih Lisna ngirim acis sareng serat ka mamah.”
Kuring ngulahkeun. Tapi manehanana terus maksa.
Kuring teu ihlas, tapi kudu kumaha deui. Kuring nangkeup Lisna bari ceurik. Pas
poe kaberangkatan Lisna ka Jakarta kuring ceurik asa teu ihlas hate teh.
” Lisna, hampura mamah. Mamah teu tiasa janten
kolot nu sok nyumponan kahoyong Lisna, mamah teu tiasa ngabagjakeun Lisna.
Mamah kalakah ngariweuhkeun Lisna.”
” Mah.. Lisna nu kudu nyungkeun hampura ka mamah.
Lisna kalakah ngantunkeun mamah di dieu. Mah, Lisna pasti sono ka mamah. Mamah
jaga dirinya. Tong ngadamel Lisna melang di Jakarta.”
Kuring tatangkeupan jeung Lisna. Deudeuh
anaking...
Geus sabulan Lisna di Jakarta. Poe harita kuring
di bere surat ti pak pos. Eta teh surat ti Lisna. Kieu isina.
” Mah.. Kumaha damang? Mah, mamah tong
melangnya ka Lisna. Alhamdulillah geuningan dunungan Lisna teh bageur pisan.
Sok masihan acuk ka Lisna, Lisna teh menikat di ogo. Mah, ieu ku Lisna di
kiriman acis. Angge nya mah. Sasih payun ku Lisna transfer deui acisna.”
Kuring ceurik. Clak.. clak... clak... ci panon
nyurucud. Inget kumaha kaayaan bareto. Bareto kuring ge jadi pembantu di
Jakarta. Kang Marna teh budakna dunungan kuring. Meunikat bageur teh dunungan
na teh nepi ka kuring kawinna jeung Kang Marna. Lima taun kuring kawin kuring
geus boga budak. Harita teh keur peuting imah kuring kadurukan. Budak, mitoha
jeung harta banda kuring teu bisa kasalametkeun iwal ti kuring jeung kang
Marna.
Geus kita kuring ge meunang musibah deui. Kang
Marna ka tipu. Perusahaanna ngahutang dimana-mana nepi ka bangkrutna. Harta nu
nyesa ge milu ledis da sarua di jualan. Sataun saenggeus eta, kang Marna ka
Batak. Milu di gawe jeung babaturanna. Pas harita kuring ge keur ngandung
Lisna.
Eta nu ngarannan takdir teu bisa di kukumaha.
Kuring nalangsa tapi kuring ge teu bisa kukumaha. Tapi ayeuna kuring teu pati
melang. Lisna di Jakarta teu susah. Nu penting manehna bagja diditu ge.
Geus ampir genep bulan Lisna di Jakarta. Ceunah
mah ayeuna manehna rek balik ka dieu. Kuring nungguan manehna ti isuk mula.
Barang sore nu datang lain Lisna tapi Ceu Atik.
” Ceu, kamana Lisna?” ceuk kuring bimbang.
” Ceu... Lisna..”ceuk ceu Atik sabari ceurik.
” Kunaon ceu?”
” Lisna tos pupus.”
Bleg hate teh... curucud ci panon ngeclakan kana
pipi.
” Ceu, eceu tong heureut..” ceuk kuring.
Ceu Atik nyaritakeun kumaha carita na.
Lisna teh jadi anak emas diditu teh. Dununganna
teh bageur pisan ka manehna. Tapi, kitu oge aya kahayangna. Lisna teh di
perkosa ku dunungan lalakina sababaraha kali. Poe kamari Lisna ngomong ka
dunungan awewe na. Ari pas kitu dununganna parasea. Geus kitu pedah dendam
meureun jadi dunungan lalakina ngabunuh Lisna. Pembunuhan eta ka pergok ku
mitoha na.
Bleg... leuleus hate kuring teh. Gusti, kunaon ieu
teh? Naha sagala nu di pikaboga ku kuring kudu di candak??? Kuring ceurik
terus.
Isukna kuring jeung ceu atik ka jakarta. Geus nepi
ka rumah sakit kuring nempo eta awak anu di tutupan ku lawon bodas. Ku kuring
di buka eta lawon teh. Leuleus ieu hate kuring ninggali eta budak kuring anu ku
kuring di urus ti orok nepi k ayeuna geus teu walakaya. Geus euweuh di dunya ieu.
Eta jasadna ku kuring di bawa ka lembur. Sanggeus di kurebkeun kuring datang ka
jakarta deui. Da ceunah mah poe ayeuna sidang pembunuhan Lisna.
” Ceu, tuh nu ngabunuhna.”
Kuring nempo ka jelema eta. Ngan teu katinggali
rarayna. Manehna di hukum lima belas taun bari ceunah mah manehna rek di cerai
ku pamajikanna da bongan manehna mah numpang hirup di pamajikanna.
Kuring ngadeukeutan eta lalaki. Bleg ieu hate.
Nyeri pisan...
” Akang, jadi akang anu ngabunuh Lisna? Akang...
lisna teh budak urang kang... akang tega!!! 13 belas taun akang masihan
kanyeuri ieu ka kuring.. ayeuna akang masihan nu leuwih nyeuri deui ka kuring.
Akang tega... naon atuh salah kuring kang...”
Manehna cicing. Curucud ci panonna. Manehna
ngarasa hanjakal.
Kang, hanjakal akang teu bisa ngubaran hate
kuring. Jauh-jauh ti kuring. Kuring embung nempo akang deui. Tong datang deui
ka kahirupan kuring. Geus cukup kanyeuri nu di tabur ku akang. Nepi iraha oge
nyeuri ieu bakal jadi saksi kahirupan kuring.
No comments:
Post a Comment